ക്ഷേത്ര ദർശനവും പ്രദക്ഷിണവും

ക്ഷേത്ര ദർശനവും പ്രദക്ഷിണവും ..!!

ക്ഷേത്രത്തിൽ പോയാൽ നമ്മൾ പ്രദക്ഷിണം ചെയ്യും. എന്തിനാണ് പ്രദക്ഷിണം ചെയ്യുന്നതെന്ന് ആലോചിച്ചിട്ടുണ്ടോ? പ്രദക്ഷിണത്തിലൂടെ നമുക്ക് ആത്മീയപരമായും ശാരീരികാപരമായും  ഗുണം ലഭിക്കുന്നുണ്ട് . ക്ഷേത്രദർശനത്തിൽ ഒരിക്കലും ഒഴിവാക്കാൻ പാടില്ലാത്തതാണ് പ്രദക്ഷിണം. ഓരോ ക്ഷേത്രത്തിലെയും ആരാധനാമൂർത്തി ഏതെന്നു മനസ്സിലാക്കിവേണം പ്രദക്ഷിണം ചെയ്യാൻ. പ്രദക്ഷിണം ചെയ്യുമ്പോ അതാത് മൂർത്തിയുടെ മൂലമന്ത്രം ജപിച്ചുവേണം പ്രദക്ഷിണം ചെയ്യാൻ. 

പ്ര =  എന്നത് സർവ്വഭയം നാശം.

ദ =   എന്നത് മോക്ഷ ദായകം 

ക്ഷി  =   എന്നത് രോഗ നാശകം 

ണം =  എന്നത് ഐശ്വര്യപ്രദം. 

ക്ഷേത്രങ്ങളിൽ എത്ര പ്രദക്ഷിണം വയ്ക്കണം 

കുളിച്ച്  വൃത്തിയുള്ള വസ്ത്രം ധരിച്ചുവേണം ക്ഷേത്രത്തിൽ പോകുവാൻ 

നമ്മുടെ ശരീരം എന്ന് പറയുന്നത് ഒരു  വാഹനമാണ്. ഉള്ളിലുള്ള ചൈതന്യത്തെ എവിടെയും എത്തിക്കുന്ന വാഹനം. അതിനെ പരിപാലിക്കേണ്ടത് നമ്മുടെ ചുമതലയാണ്. വേണ്ടവണ്ണം ശരീരത്തെ കാത്തുസൂക്ഷിച്ചില്ലെങ്കിൽ ഒരു വാഹനത്തിനു സംഭവിക്കുന്നതുപോലെ സകലമാന കേടുപാടുകളും സംഭവിക്കാം. 

ആദ്യം ഭഗവാന്റെ വാഹനത്തെ തൊട്ടു വന്ദിച്ചതിനുശേഷം പ്രദക്ഷിണം ആരംഭിക്കുക. രാവിലെയും ഉച്ചക്കും വൈകുന്നേരവും പ്രദക്ഷിണം ചെയ്യാം. എന്നാൽ ഓരോ സമയത്തിനും അതിന്റേതായ പ്രത്യേകതകളുണ്ട് .

രാവിലെ പ്രദക്ഷിണം ചെയ്താൽ ദുഃഖ ശമനവും 

ഉച്ചക്ക് പ്രദക്ഷിണം ചെയ്താൽ ഇഷ്ടലാഭവും 

വൈകിട്ടാണെങ്കിൽ പാപത്തിൽനിന്നുള്ള മോചനവും ലഭിക്കും.  

പാപമോചനമാണ് ആദ്യപ്രദക്ഷിണം കൊണ്ട് ഉണ്ടാകുന്നത്.

ഭഗവാനെ ദർശിക്കാനുള്ള അനുമതിക്കാണ് രണ്ടാമത്തെ പ്രദക്ഷിണം.

മൂന്നാമത്തെ പ്രദക്ഷിണം ഐശ്വര്യവും സന്തോഷവും സുഖവും പ്രദാനം ചെയ്യുന്നു. 

പ്രദക്ഷിണം വെക്കുമ്പോൾ ബലിക്കല്ലുകളിൽ സ്പർശിക്കരുത് . ബലിക്കല്ല് ഇപ്പോഴും വലതുവശത്തായി വരത്തക്കരീതിയിൽ വേണം പ്രദക്ഷിണം ചെയ്യുവാൻ. അഭിഷേകഓവിലെ തീർത്ഥം സേവിക്കരുത്. ശിവക്ഷേത്രത്തിൽ പൂർണ്ണപ്രദക്ഷിണം പാടില്ല. ചന്ദ്രക്കലയുടെ ആകൃതിയിലായിരിക്കണം പ്രദക്ഷിണം. ശിവലിംഗവും കൈലാസവും തമ്മിലുള്ള ബന്ധത്തിന് വിഘാതം വരുമെന്നുള്ളതിനാലാണ് ഈ ആചാരം. ഗണപതി ക്ഷേത്രങ്ങളിൽ ഒരു പ്രദക്ഷിണമേ വക്കാവൂ. എന്നാൽ മറ്റുള്ള ക്ഷേത്രങ്ങളിൽ ഇതിനു വ്യത്യാസമുണ്ട്. 

ഓരോ ദേവതയ്ക്കും പ്രദക്ഷിണത്തിന് ഓരോ കണക്കുണ്ട്. 

ഗണപതിക്ക്  ഒരു പ്രദക്ഷിണം. 

ഭദ്രകാളിക്ക് രണ്ടു പ്രദക്ഷിണം. 

ശിവന് മൂന്ന് പ്രദക്ഷിണം. ശിവനെ വലം വയ്ക്കുമ്പോൾ  ശ്രീകോവിലിൻറെ  

ഇടതു വശത്തെ ഓവ് മുറിച്ച് കടക്കരുത്. 

ഓവിനടുത്ത് നിന്ന് തിരിഞ്ഞ് നടന്ന് ഓവിൻറെ മറു വശത്തു വന്ന് പ്രദക്ഷിണം പൂർത്തിയാക്കണം. 

എന്താണ് ഇതിനു കാരണം?

(പൂര്‍ണതയുടെ ദേവനാണ് ശിവന്‍. അതുകൊണ്ട് തന്നെ പൂര്‍ണ പ്രദക്ഷിണം വെച്ചാല്‍ അതിനര്‍ത്ഥം ശിവന്റെ ശക്തികള്‍ പരിമിതം എന്നാണ് വിശ്വാസം. അതുകൊണ്ട് തന്നെയാണ് ശിവ ക്ഷേത്രത്തില്‍ പൂര്‍ണപ്രദക്ഷിണം വെയ്ക്കാത്തതും.

ശിവഭഗവാന്റെ ശിരസ്സില്‍ നിന്നും ഗംഗാ ദേവി ഒഴുകിക്കൊണ്ടിരിയ്ക്കുന്നുണ്ട്. അതുകൊണ്ട് തന്നെ ഗംഗാജലം ഒഴുകുന്ന ഓവ് മുറിച്ച് കടന്ന് പ്രദക്ഷിണം ചെയ്യരുത് എന്നൊരു വിശ്വാസവും നിലനില്‍ക്കുന്നുണ്ട്. അഭിഷേക ജലത്തിന്റെ പ്രാധാന്യം ശിവനെ അഭിഷേകം ചെയ്യുന്ന അഭിഷേകജലം പലപ്പോഴും പൂര്‍ണപ്രദക്ഷിണ സമയത്ത് ഭക്തര്‍ ചവിട്ടാന്‍ ഇടയുണ്ട്. അതുകൊണ്ടും പൂര്‍ണപ്രദക്ഷിണം അരുതെന്ന് പറയുന്നു. പ്രദക്ഷിണങ്ങളെല്ലാം വലത്തോട്ട് തന്നെയായിരിക്കണം എന്ന് നിര്‍ബന്ധമുണ്ട്. അതുകൊണ്ട് തന്നെയാണ് വലത്തു വെയ്ക്കുക എന്ന് പഴമക്കാര്‍ പറയുന്നതും. അര്‍ദ്ധപ്രദക്ഷിണവും പാപവും അര്‍ദ്ധപ്രദക്ഷിണം ചെയ്യുന്നത് പാപങ്ങളെ ഇല്ലാതാക്കുന്നു എന്നും വിശ്വാസമുണ്ട്.