അനുവാസം
*അറിവിനായി മാത്രം*
🙏🌹🌺🌸💐🌹🙏
*ആചാരവിജ്ഞാനം*
🌻☘🌻☘🌻☘🌻☘
*ഭാഗം. 45*
*കേരളത്തിലെ ചില പഴയ ആചാരങ്ങൾ പരിചയപ്പെടുത്തുകയാണ് ഇവിടെ. മൺമറഞ്ഞു പോയവയും നിലവിലുളളവയും. അറിവിനായി മാത്രം ഇവിടെ കുറിക്കുന്നു.*
🕉🕉🕉
*അനുവാസം*
🔥🔥 *കേരളത്തിലെ ഇടുക്കിയിലും തമിഴ്നാട്ടിലെ മധുരയിലും കാണുന്ന ഒരു പ്രധാന ആദിവാസി വർഗ്ഗമാണ് മന്നാന്മാർ. ഗോത്രവർഗ്ഗങ്ങളിൽ വെച്ച് ഏറ്റവും മുന്തിയവരാണ് തങ്ങളെന്ന് കരുതുന്ന മന്നാന്മാരുടെ ജീവിതത്തിനും കലയ്ക്കും പല പ്രത്യേകതകളുമുണ്ട്. കല്യാണത്തിനുമുണ്ട് പുതുമകൾ . അതിലൊന്നാണ് അനുവാസം. കല്യാണത്തിന് പത്തു ദിവസം മുമ്പാണ് അനുവാസം നടക്കുക. വിവാഹനിശ്ചയം കഴിഞ്ഞാലും അതിനു പൂർണ്ണത കൈവരുന്നത് അനുവാസത്തോടു കൂടിയാണ്. ചെക്കന്റെ കാരണവർ, അച്ഛൻ , മൂന്നാമൻ എന്നിവർ ചേർന്ന് അനുവാസത്തിനായി പെണ്ണിൻറെ വീട്ടിലെത്തുന്നു . പെണ്ണിൻറെ വീട്ടിലെ കത്തിച്ച നിലവിളക്കിനു മുന്നിൽ വച്ച് വേണ്ടപ്പെട്ടവർ അനുവാസം കൊടുക്കും. പെണ്ണിൻറെ കാരണവർ മൂന്നാംവെറ്റില കൈയിൽവച്ച് ചെറുക്കന്റെ കാരണവരുടെ കൈ ചേർത്ത് പിടിച്ചാണ് അനുവാസം നൽകുന്നത് . അപ്പോൾ പെണ്ണിൻറെ പേരും വംശത്തിന്റെ പേരും കാരണവരുടെ പേരും ഉറക്കെ വിളിച്ചുപറയും. ഉടനെ മൂന്നാമനും ചെക്കന്റെ പേരും വംശത്തിന്റെ പേരും കാരണവരുടെ പേരും മൂന്ന് പ്രാവശ്യം വിളിച്ചു പറയും . പിന്നീട് ചെക്കന്റെ ആൾക്കാർ വെറ്റില വാങ്ങും . ഈ വെറ്റില വിവാഹംവരെ സൂക്ഷിക്കണം എന്നുണ്ട് . കാരണം വിവാഹ ബന്ധത്തെ സൂചിപ്പിക്കുന്ന അടയാളം രണ്ടുകൂട്ടർക്കും അത്യാവശ്യമാണ്. വിവാഹനിശ്ചയത്തിന്റെ എഗ്രിമെൻറാണിത്. ചുരുക്കത്തിൽ ഇന്നത്തെ വിവാഹനിശ്ചയം തന്നെയാണ് പണ്ടത്തെ അനുവാസവും. അനുവാസം എന്നാൽ അനുവാദമെന്നാണർത്ഥം. മാതം മാസമാകുന്നതുപോലെ ഒരു വർണ്ണവികാരം ഇവിടെ സംഭവിക്കുന്നു.* 🔥🔥
കടപ്പാട് : ആചാരവിജ്ഞാനകോശം
*✍ കൃഷ്ണശ്രീ*
🙏🌹🌺🌸💐🌹🙏
Comments
Post a Comment